ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ
Білім беру жүйесінің басшы және ғылыми-педагогикалық кадрлары біліктілігін арттыратын республикалық институты
«Техникалық және кәсіптік білім беру сапасын басқарудың заманауи амалдары» атты республикалық ғылыми-практикалық семинар 
20-21  қазан 2011 ж.
АҚПАРАТТЫҚ ХАТ

         Семинарға қатысуға обл(қал)БАИ ТжКББ кабинеттерінің меңгерушілері мен әдіскерлері, техникалық және кәсіптік білім беру ұйымдарының директорлары, директордың орынбасарлары шақырылады.

Семинардың өткізілу мақсаты:
-   қоғам міндеттеріне және экономиканың индустриалды-инновациялық дамуына сәйкес техникалық және кәсіптік білім беру жүйесінің даму мәселесін шешу жолдары;
-   білім, өндіріс саласында кәсіптік білімді интеграциялауға ықпал ету.

Міндеттері:
-   ТжКББ ұйымдарында білім сапасын жолдарын анықтау;
- оқу-өндірістік процесі барысында  автоматтандыруды енгізуді қарастыру.

Секциялық жиналыс:
1.Инновациялық басқару – техникалық және кәсіптік білім беру жүйесінің моделі.
2. Сапалы маман дайындау – инженер-педагог кадрлардың кәсіби шеберлігі.
Ұйымдастыру комитеті баяндамалардың тезистерін семинардан бұрын  жинақ түрінде жариялауды жоспарлайды. Семинар бағдарламасына ену үшін ұйымдастыру комитетіне конференцияға қатысушының тіркеу формасы мен баяндама тезисінің электрондық нұсқасын, төлем жөніндегі құжаттың көшірмесін  жіберуі қажет.
Қатысу тәртібі:
Тезистер жинаққа ену  үшін төмендегі талаптарға сай болуы  қажет:
Баяндама тезисі 2 нұсқада 5 баспа табақ көлемінде MS Word мәтіндік редакторында терілген болуы керек.

1. Кестелердің, сызбалардың, суреттердің тақырыбы көрсетілуі керек.
2. Парақтың параметрлері: жоғарғы және төменгі - 2 см, сол жағы - 2,5 см, оң жағы - 1,5 см.
3. Шрифт: Times New Roman,  кегль-14.
4. Жол аралық: 1 интервалмен.
5. Жаңа жол : 0,9 см.
6. Бір жолдан кейін - ортасынан баяндама тақырыбы БАС ӘРІПТЕРМЕН (ҚОЮ ШРИФТПЕН) жазылады.
7. Баяндама тақырыбының төменгі жағына бір жолдан кейін парақ ортасына жай әріптермен (қою шрифтпен) автор (лар) -дың тегі, аты-жөні жазылады.
8. Төменгі жағына: жұмыс орындалған мекеменің толық аты, облысы(қаласы), республикасы (қою шрифтпен) жазылады.
9. Бір интервалдан кейін (бос жолдан соң) жаңа жолдан – баяндама тезисі жазылады.
10. Әдебиеттер тізімі еңбекте көрсетілу тәртібіне қарай мақаланың соңында жазылады.

 
Тіркеу формасы

Электронды пошта  арқылы жібергенде «Тақырып» бөлімінде: ББЖ КБАРИ Техникалық және кәсіптік білім беру бөлімі республикалық семинарға   _____________  деп  (баяндамашының аты-жөні)» көрсетілсін.
Ұйымдастыру кеңесі мен редакциялық алқаның мақалаларды іріктеуге құқығы бар. Ұйымдастыру жарнасы: баяндаманың 1 парағы - 1000 тенге. Қонақ үй (жатақхана), тамақтану шығындары іссапарға жіберуші мкееме есебінен төленеді. Мақала мәтіні және тіркеу формасы бір файлмен көрсетілсін (файлдың аты, автордың  аты-жөнімен аталуы қажет). Баяндама материалдары мен тіркеу формасы 2011 жылдың 30 қыркүйегіне дейін қабылданады.
Талапқа сай толтырылмаған және ұйымдастыру комитетіне көрсетілген уақыттан кеш өткізілген мақалалар  жинаққа  енгізілмейді.
Семинардың өткізілуінің жұмыс тәртібі бағдарламада көрсетіледі.